Bota

Në festivalin e filmit në Nju-Jork që do të mbahet muajin e ardhshëm, do të emetohet filmi i Rrjetit social, rrëfim për gjigantin e luginës së silikonit, sajtin social Facebook dhe themeluesin e tij, Mark Cukerberg.

Hakerët ofrojnë në Facebook sustë për funksion të rremë “nuk pëlqej”, sipas modelit të shumë popullarizuarës “dua”, me qëllim të mbledhjes së të dhënave personale të shfrytëzuesve, paralajmëroi rrjeti më i madh shoqëror botëror dhe kompania për siguri informatike “Sofos”.

Nga Facebook theksojnë se punojnë me shpejtësi të madhe për të evituar përhapjen e opsionit të rremë.

Gjithsej 89 miliarderë dhe rreth 825.000 milionerë janë regjistruar në Kinën komuniste, prej të cilëve rreth gjysma jetojnë në qytetin më të madh, Shangaj.

Sipas të dhënave statistikore, milionerët dhe miliarderët kinezë mesatarisht janë të moshës 39 vjeçe, posedojnë nga disa vila luksoze, së paku tre automobila luksoze dhe ora ekstra të shtrenjta.

Shumica e madhe e banorëve të Gjermanisë më nuk i besojnë kapitalizmit dhe dëshirojnë një rregullim të ri shoqëror, tregoi hulumtimi i institutit Emnid.

Madje 88 për qind e gjermanëve të anketuar në këtë hulumtim janë prononcuar se do të ishte mirë që në shtet të ketë “ndonjë rregullim tjetër shoqëror”. Transmetoi agjencia Beta.

Në Spanjë beqarët dhe beqaret shpenzojnë për 65 për qind më shumë nga treguesi mujor i vendit, që do të thotë 500 euro në muaj më shumë, sesa njerëzit familjarë, tregon hulumtimi për mënyrën e të jetuarit të beqarëve.

Amerikanja, e cila dyshonte se bashkëshorti i saj ka dashnore, ka zbuluar se ai është i martuar me një grua tjetër.

Amerikanja Lin Frans ka zbuluar dhjetëra fotografi dasmore të bashkëshortit, pasi që ka shkruar emrin e dashnores së supozuar në Facebook.

“Sinqerisht, kur i pashë incizimet, isha e shtangur”, deklaroi para gazetarëve zonja Frans, e cila përndryshe punon si terapeute.

Në Australi u paraqit „druri i parave“, pasi që të punësuarit në një bankë, i kanë dekoruar degët e tij në park me monedha prej pesë dollarëve.

Siç shkruajnë mediumet australiane, ideja për këtë eksperiment të pazakonshëm është e një grupi punëtorësh të kompanisë RaboDirect, të cilët merren me in-line veprimtari bankare.

Ombrellat për diell, nuk i “bllokojnë” të gjitha rrezatimet e diellit, tregon studimi më i ri, i publikuar para do kohë në Spanjë.

Nga rrezatimi UV 34 për qind, depërton nëpër ombrellat, përcaktoi Universiteti në Valensi, shkencëtarët e të cilit për hulumtim kanë përdorur çadra të larta 1,5 metra me radius prej 80 centimetrave, transmeton Hina.

Një stjuardë e “Air France” është arrestuar pasi që udhëtarët që kanë udhëtuar për në Japoni dhe vende tjera aziatike, kanë humbur stoli dhe para nga valixhet e dorës përderisa kanë fjetur, shkruan Le Figaro.

Prokurorët kanë hapur rastin të dielën, dy ditë pasi që anëtarja e ekuipazhit është arrestuar në aeroportin “Sharl de Gol” në Paris dhe e ka pranuar vjedhjen, deklaroi një burim gjyqësor, duke konfirmuar të dhënat e Le Figaros.

Pronarët e qenëve do të mund t’i qerrasin të përkëdhelurit e tyre me një akullore të posaçme që prej kësaj fundjave, do të jetë në shitje në njërin prej kuarteve të Londrës, transmeton Smedia.